مهدي آل حيدر الوايلي - كلي مــواجـــع

جيتك وانا كلي مواجع مـن العـام

جيتك علي حزم إغتيال القصيـده

ادفن بقايا جـرح وامشـي لقـدام

شايل طموحي فوق نظـره بعيـده

هو يعجبك وجهٍ قضى الليل ما نام

كل المواجع فـي عيونـه اكيـده

او يعجبك حلمٍ على قمـة اوهـام

لا طاح جبت اوهام لأجله جديـده

وش لي مع الذكري ومع ذيك الايام

وشلي مـع قلـبٍ تقطـع وريـده

كل السوالف هيّضت حبر الاقـلام

ما هاض شاعر يطعن العمر بيـده

كان ابتهاج يسطّـره جـرح وألام

أظنهـا كانـت كـأبـه سعـيـده

خلتني ارسم في مدي المقبل احلام

ثارت علـى كـفٍ تنكّـر لقيـده

خلتني ألعن عثرة حصـان ماقـام

يكتب ولا يدري بمـوت القصيـده

وش أخبارك ؟؟- صالح جزا الحربي

وش أخبارك ؟؟

!!للغياب

!!وللحب

........ ولها

وش أخبارك .. ؟؟

عسى مرتاحه بغيابي ؟؟

!!تبين الصدق انا ميّت .. من غيابك عن أهدابي ..

!!قبل يومين مرّيتي .. حلمتك ليله واقفيتي ..

!!فرحت بجيّتك وانتي

!!بعيده حتى بــ حلامي ..

وش أخبارك ؟؟

بعد ما كنت بأنفاسك ..؟؟

.. !! تغيّرتي على أحبابك ؟؟ .. أكيد انتي تغيّرتي

ماعاد القلب هو قلبك .. ولا دمعك سقى خدك .. !!

.. !! أنا عارف تبدّلتي

!! تجيك منين هالقسوه .. ؟؟ وانا اللي عارف طبوعك

!! على ايديني تعلّمتي .. أصول الحب بضلوعي

! واذا ضقتي من الدنيا .. تجيني وامسح دموعك

.. ويــ ليتك بس قدّرتي

.. عطاي وقيمة دموعي

!!وش أخبارك ؟؟

!!أهز الشوق بغيابك إلين يطيح من غصنه

ثمر حبٍ هقيت انه يصبّرني على الفرقا. . . . . . . . . .

ولا همّك ولا تدري !! عن اللي غارق بحزنه

كتم همّه على صدره وناحت للحزن ورقااا. . . . . . . . . .

وش أخبارك ؟؟

أنا مشتاق لأخبارك ؟؟

!! زرعت الشوق في صدري .. وفاح العطر بركوني

!! صباح الخير يا قلبي !! صباح الخير يــ عيوني

ذبل غصني وأنا أردد !! غيابك طوّل بمزنه ؟

يجمّعني // يشتتني ( غيابك ) آآآآه يـ غيابك. . . . . . . . . . .

!!.. تعالي نعشق ونغرق

!! على الله تعيش أمانينا .. تعالي نحلف ونقسم

!! نموت بكل ما فينا

.. تعالي

.. واشطبي همي

!! ترى حزني ملا أوراقي

..تعالي

..واسمعي قلبي

!!.. لحن فرقاك وأشواقي

وش أخبارك ؟؟

وش أخبارك ؟؟

وش أخبارك ؟؟

وش أخبارك ؟؟

صالح جزا الحربي

الشاعر خليل الشبرمي

أبحاول أرسل وإنت حاول تحاول لي... وشرواك ذيب .. موجته تلقط إرسالي

وقرب لي إذنك وإنت لاهنت مصغ لي... أبهمس فيها بس لا يدري الوالي

انا ياعميلي عان وسمي على بلّي... علام الوسوم اللي على بلّك اشكالي

وش اللي جرى ويش السبب يافتى قلّي... علام العلوم علوم جزلات وهزالي

لاصرت فوقي ماانت ملزوم تنزل لّي... ولاصرت حدري ما انت مكلوف ترقى لي

وكانك تقول الناس قالت فـ عيـّــن لّي... من اللي سلم من راعي القيل والقالي

ولاتبعد ابداً بس من ملّك وملّي... تحسس ودوّر كم حقودٍ ومحتالي

بلانا بلانا بيننا دوم ينسلّي... ومنا بنا واشين ورخوم وانذالي

وبالناس يابن الناس طامن ومتعلّي... وانا ما ارفع الطامن ولا اطمن العالي

وقلبي دليلي يا عميلي يدربل لّي... واميز هماجه قبل اذوقه من الحالي

وانا احَمْد ربي ماخبرت القدم زلّي... ومشيي لك الله دوم دغري وطوالي

ولا اداني العيله ولا الميل لو ملّي... ولا اطفف لغيري ولا ازيد مكيالي

نفسي عزيزه بالردى ماتسولّي... وسود النوايا ماتشوش على بالي

وانا داري انك يافتى الجود وافيٍ لّي... ولاهي غريبه منك ياطيب الفالي

وعلى كل حالٍ جيت كلي على حلّي... خذني شقيقٍ لك على كل ابو حالي

أبلبس على ماتشتهيه انت فصّلّي... وإضبّط عسى الله مايعريك تفصالي

وقل واهني اللي عن الناس متسلّي... دليخٍ فضيخٍ دالهٍ خاليٍ سالي

الشاعر خليل الشبرمي

جديد صالح الحربي

الرجاء الضغط على الصورة لرؤيتها أوضح

حكمة من الشاعر القدير جزا الحربي

قالو علامك دايم تقل زعلان ** وياعل ما انته يابوصالح زعولي

قلت اسمحوا لي ياكريمين الايمان ** تراي من نشداتكم ضاق جولي

ولا كل من يبحث ورى سر الانسان ** يكشف عن اللي بالضماير يجولي

ومن قال انا افهم غاية القلب غلطان ** القلب دونه مبهات القفولي

ولاني على بعض المواضيع شفقان ** ولا احط راسي يم ضل يزولي

وامشي مع الطيب على قدر الامكان ** ولانيب اطاول شخص مهوب طولي

وانا اليا شفت الاعور وسط عميان ** اجنبه من خوف لا يصير حولي

واصد منه مع وسيعات الاوطان ** لو كان حفيانه مواطي ذلولي

والناس كل له محبه وصدقان ** وكل على محبوب قلبه ميولي

ورجل بلا هيبه مع الناس خسران ** لو يحسب من رجال زحولي

والضحك في وجيه الرجاجيل نقصان ** ان كان ماللضحك وقت واصولي

هذا وكل له محبه وصدقان ** والله فرق ما بين صنف العقولي

الشاعر \ جزا صالح الحربي

أحمد أبل

الرجاء الضغط على الصورة لرؤيتها أوضح

البال رايق - صالح جزا الحربي

البال رايق والسما كلّها غيم

من فضل ربي صاير الجو ساكن

مرتاح اغني واسمع احلى ترانيم

من صوت ابو نوره يرد الأماكن

الشاعر\صالح جزا الحربي

لية؟؟؟؟ - الشاعر\سالم سيار

الرجاء الضغط على الصورة لرؤيتها أوضح

لذة غرامك - صالح جزا الحربي

تعبت انا من جر ظلي بهجيرك. . . . . . . وانته تشح اليوم في رشفة المي

ودي اشوفك وارتوي من غديرك. . . . . . . واحس في لذة غرامك وانا حي

!!الي متى وانته تموّت ضميرك ؟؟. . . . . . . وانا حياتي دون قربك ولاشي

فرشت لك عمري وانا مستجيرك. . . . . . . . وغمّضتك بعيني لجل تسكن بفي

لامر صدري يا حبيبي عبيرك !. . . . . . . يعيد ترتيبي وانا اتنفسك غي

ولو أدري اني يا حبيبي مصيرك !!. . . . . . . ما سالت دموعي ولا إنطفى ضي

دعيت ربي ألتقيك بمسيرك. . . . . . . وتكون من حضي وانا رافع إيدي

اموت في حزني ولاحب غيرك. . . . . . . ياخييييي تعال وخفف احزاني شوي

ادري قسيت وكثّر الله خيرك. . . . . . . لابد حي(ن) يلتقي يوم في حي

انا بموت من العطش في هجيرك. . . . . . . وانته تشح اليوم في رشفة المي

صالح جزا الحربي

طلال بجاد

هِــنا .





طفرة بلادي .. والتعب .. والضيق ..





والترحال





هـــِنا ناس ..





/ وبقايا ناس /





وناس الحزن ماليهم







هنا بلده..





/





هنا بيت ..







وهناك أم وثمان أطفال







هنا عن زُخرف الدنيا .. مخابيهم







..[ تخـبيهُــم ]

العمر فرصة - محمد مريبد

العمر فرصه والحيـاه ايـام والدنيـا ظـروف*** والمشتبه بالامر ما بين الحـرام مـن الحـلال

والشعر ديوان العرب وانا بشعـري فيلسـوف*** اترك ادقاق الشعر وانقا مـن معانيـه الجـلال

والبارحه صدر الجنوب يضيق واسوق الحسوف*** وين انت يا صدر الشمال احتجت للفزعه تعـال

وردت مجاهيم الليال احيـام ورياحـي شعـوف*** من يوم وقفني بدرب العشـق يسالنـي سـؤال

واقوله بيني وبينه يـا عسـا الحـب مخلـوف*** ان مارجع ربحـه علـي الله يـرده راس مـال

كم لي وانا تكويني الدنيا علـى روس الكتـوف*** واشيل ما لا اطيق من شانك واحملهـا الجبـال

ومديت لك ريحانة الاشواق في بيض الكفـوف*** قبل يجف العطـر والاشـواق تدفنهـا الرمـال

وقفتني في الشارع الضيّق وممنـوع الوقـوف*** مسار واحـد والمصيبـه لا يميـن ولا شمـال

تقول طوّفها معـي واقـول عيـت لا تطـوف*** اجيبهـا منـا تجـي منـا و لا فيهـا مـجـال

والحب ما ينفع معـه فزعـه ولا واو معطـوف*** والحب لو زالت جبـال الارض ذكـره لا يـزال

يرقا على رجم الغرام ويخدمه نبـض الحـروف*** اشوي من نسج الغلا واشوي من نسج الخيـال

وش عاد لو غنيت طاروقك وصفيت الصفـوف*** صفٍ يبا ياقف معي وصفٍ اليا من رحت شـال

والله لتبطي ما وصلت ادنى مواصيـل الهنـوف*** الجادل اللي دمعهـا لارحـت والا جيـت سـال

الجادل اللي طيفهـا عنـدي ولا كـل الطيـوف*** ام الـحـلا ام الـغـلا ام الـدلـع ام الــدلال

اللي هداياهـا ملـت كـل الزوايـا والرفـوف*** ويطلع ابطلتها بـدر ويغيـب لا غابـت هـلال

وانـا اقدرهـا مثـل تقديـر حاتـم للضيـوف*** واطرب على فيّة غلاها كـل مـا مـال الظـلال

واعيشها عيشة عمر مابين امن وبيـن خـوف*** وازرع لها شعري وهي تسقيه من غيث الوصال

حتى خذتني عشق وانا اخذتها رغـم الانـوف*** واسكنتها روحٍ عن اهروج البشر منفى اعتقـال

والا انت قربك ما يشجعني وفرقـاك امعـروف*** اقلط على نزف الشعـر والفـال يقفـاه العقـال

حتى لو انت الذ من تمـر المدينـه والهفـوف*** ارحل ترى ايامك خضر لكن ترى اسنينك اهزال

وفر ادموعك دام دمعك مر والـدرب امحفـوف*** جعلك فدا من هلت ادموعـه علشـان ابتهـال

الشاعر \ محمد مريبد العازمي

البحر - الشاعر مهدي الوايلي

البحر لا تامنـه فـي ثورتـه وإلا هـدوّه
دام له قاع وسما والموج له روحه وجيّة

والرجل وإن مسّته الأوجاع عيب إنه يتأوّه
واجبٍ لازم عليه يقوم له فـي كـل هيّـة

يا سلام الله سلام الوايلي والجمـع تـوّه
والمواقف شامخه والروس تطنخها الحميّة

والعرب في العز كلٍ من حطبه يشب ضوّه
يوم كلٍ يخطب العليا ونـار العـز حيّـة

صلب جدي وايلة شاكر وكـلٍ لـه علـوّه
والبحور الطامية منّـا والأمـواج العتيّـة

بنتنا بأفعالنـا مـن حقهـا يـوم إتفـوّه
واتهيّـى واتعبّـى للـمـزاح الوايلـيّـة

عزّنا اللي جابلٍ فينا الشجاعـة والحمـوّة
والثبات إلنا لوماشان الدهـر والمقدريّـة

والصبر فينا على حكم الولي أطيب مـروّة
شرع من لايتبع الغاوي ولايرضـى بغيّـه

ياعرب قولوا لأبن حيدر حسين يخيل نوّه
عاد برقه فالسما يلمـع ومداتـه سخيّـة

ماهو أب لعشـرة إلا أبٍ لماوقّـف لقـوّة
حدّها من وادي أملح لين نجـران العذيّـة

غاب مشعل خير من يثني على فعله عدوّه
وخير من يفقده ابيه وخير من يفقده خيّه

غاب حرٍ جامع طيـب الاخـوة والأبـوّه
والصبايـا واللهٍ يبطـن ولاولـدن بزيّـه

منطق الشيخ الحكيم وطيب مبداه وسموّه
والكرم والموقف المحمود والنفس الرضيّة

خلق وأخلاق وعلى ناسه وخلانه حنـوّه
كل عينٍ تحب مقباله وتفرح فـي مجيّـه

غاب مشعل والغياب ولوعته فالصدر جوّه
والعيون تشح بالدمعة ولو ماهـي خليّـه

ودها لاعرّض الشامت وهو يزهى بسـوّه
ينكشح لاحق له يشمت ولايفـرح بسيّـه

والبحر وإن جف من بعده بحور تحل جوّه
والنجم لاغاب ضيه لاح نجـم ورد ضيّـه

يالله اني بإسمك الرحمن اسالـك وأتجـوّه
ترحم وتفسح وتبري العبد من ذنب وخطيّة

بين يدك وكل شي لك مراحه مـع غـدوّه
والعفو شرعك ولادايم سوى رب البريّـة

الشاعر\ مهدي ال حيدر الوايلي

صالح الحربي

الرجاء الضغط على الصورة لرؤيتها أوضح

الشاعر \ خلف المشعان

الشطرنج

علمونـي ياجماعـه جيـت ابـسـأل واستشـيـر

( مبتدا ) والراي منكم .. يعتبـر عنـدي ( خبـر )

ماكتبـت الشعـر والله .. لجـل اباقـف بالاخـيـر

من كتبت ( اول ) قصيده .. جيتكم ( بـاول ) سطـر

كل حرفٍ مـن قصيـدي .. يحتـوي معنـى كبير

كل ( بيتٍ ) فيه ( معنى ) .. وكل ( معنى ) في شطر

ماترجيـت المدايـح .. مـن كبيـر ومـن صغيـر

ويش ابي بمدحٍ يجيني .. مـن ورى اكتابـة شعر

لعنبـو حـي القوافـي .. لابغـت تطلـع كثير

مير ابفهقها .. . واجيكم .. بالكـلام المختصر

!!!!.....علموني كيف أجامـل / واتعامـل / مـع

علموني . . كيف ابصبر ؟؟ دام انا .. مابـي صبر

..هو يصير الطير يمشـي بـس يمشـي مايطيـر

أو يصير ان كل ( طيرٍ ) بالسما.. يكفـخ ، صقـر ؟

!!!هو يصير العبد يامـر .. علمونـي هـو يصيـر

أو يصير ان( شيخ ربعه ) .. ياجماعه .. ينومـر

!!!هو يصير ان كل منهـو قـال راي يقـول خيـر

( أو يصير ان كل ( مهدي ) ايكون ( مهدي المنتظر

(هو يصير ( الفيل ) يبـدا .. ويتعـدى ( هالوزيـر

أو يصير ( الكنق ) يمشـي خطوتيـن .. ابلاخطـر

( علموني كيف ياكـل ( قلعتـي ) ( جنـدي حقير

ولعبة الشطرنـج .. تقهـر مـن لعبهـا .. يابشر

علموني .. قبل ماصـل .. لاخـر الشطـر الأخير

مبتدا .. والراي منكم .. يعتبـر عنـدي .. خـب ر

علمونـي ياجماعـه لجـل أعـاود .. واستخـيـر

علموني كان مخطي .. لجل أدنـق .. واع ت ذر

الشاعر\خلف المشعان

نصار الشريعان

الرجاء الضغط على الصورة لرؤيتها أوضح

مشعل الخالدي

الرجاء الضغط على الصورة لرؤيتها أوضح

رد الأمير جابر الأحمد الصباح على مرشد البذال

قولك تراه اليوم صايـر وجاري

الله يجزي ذيـك الايـام بالخير

ياما سرينا يـم ذيـك الخباري

مجهامنا كل يوم مثـل النواطير

مانعرف التنتات هـي واللواري

لهـن دويٍ يشبهـن الزنابير

نمر بالريضـان خضـر قفاري

العشب زاهي مع فياضٍ مزاهير

لامن طلع مختار عقب المساري

في موقع مافيه جـرة مظاهير

اوهد صوب الروض وسط النهاري

غمر وصفف ياحسين التصاوير

واليا نزل عينه تشعشـع بناري

نشوفهم جنب الـذواري مخامير

مثل الملك جالس وحوله جواري

والله مااصخي به بخيشة دنانير

ماهمنـا بـرد ولا هـوب ذاري

يوم ان للمقناص بالنفـس تأثير

واليوم كل واحد يصيـد العفاري

والناس صاروا كلبوهم صقاقير

اصبر تشوف الطير فوق القواري

مطلعه راعيه مع سكـة الجير

المغفور له الشيخ جابر الأحمد الصباح

صالح الحربي

الرجاء الضغط على الصورة لرؤيتها أوضح

صالح الحربي

الرجاء الضغط على الصورة لرؤيتها أوضح

قصيدة صالح الحربي في ملتقى القبيلة 17-2-2008

سويت من روس القوافي مشاعيل

شاعر واصوّر فكرتي واعتمده

اواصبها مني كما جاري النيل

على الورق وآجيبها في وعدها

***

وغرفت من بحر القوافي تماثيل

وركزت بـ صخور المعاني وتدها

وخذيت لي جوله وانا احط وآشيل

ابني قوافيها واثبت عمدها

***

قصيدة(ن) مثل المطر والهماليل

حقوق بارقها صدوق(ن) رعدها

سلام يا ربعي هل البن والهيل

عوق النفوس اللي ذبحها حسدها

***

سلام(ن) احلى من حليب المباهيل

عوج الرقاب اللي قديم(ن) رغدها

حنا ورثنا العز جيل(ن) عقب جيل

وافعالنا ما تنحصي من عددها

***

فرسان طيب وكلبونا مشاكيل

وصغيرنا روس المعالي صعدها

وامجادنا تعرف على قرّح الخيل

اللي ترج القاع من ضرب يدها

***

تضبح , ولا تفحم , ولا هدّها حيل

مصرّده للموت بأقوى جهدها

من فوقها رجال(ن) كما الموج والسيل

واقسى من جبال السراة بجلدها

***

وليا نخنّا لابسات الخلاخيل

اعمارنا ترخص علينا بعدها

نكسر خشم منهو تعدّى ولانعيل

وكم من عجوز(ن) راح منها ولدها

***

ماهي غريبه شربنا للفناجيل ؟

كم عزوة(ن) من شلفنا في لحدها

حنا سماً تمطر على الأرض وتسيل

من الكرم والجود وكلن شهدها

***

حرب(ن) على اللي يجحد الحق ويميل

وسلمن على اللي حقوقنا ما جحدها

وخوينا تحرم عليه الغرابيل

ما نجحد الرفقه وننكر عهدها

***

وتاريخنا يكفي عن القال والقيل

وامجادنا منهو بغاها وجدها

واليوم جينا للقى والمواصيل

وهذي قبيلة حرب حنا سعدها

***

الله يبارك بالرجال الزناجيل

حضورهم مثل المزون وبردها

واللي تعذّر ياعساها تساهيل

عذره معه لو غيبته نفتقدها

***

قدّمت قافي للكرام الحلاحيل

قصيدة(ن) تروي ظما من وردها

يطيب راسي لا تجمّلت ثم قيل

الله يبيّض وجه منهو قصدها

الشاعر \ صالح جزا الحربي

الشاعر خلف المشعان

ايه الشجاعه تغلـب الكثـره وانـا اعطيـك الدليل

الـذيــب يـــدرع بالـغـنـم ولا يـحـسـب حسـابـهـا

**********

جيت بشموخ الوايلي ماجيت مـن تحـت الشليل

ولا ردنــي عــن سـاحـه الشـعـار كـبـرالقابها

الشاعر \ خلف المشعان

صالح الحربي

!! الحظ لامنه تعدى وخلاك

سلّم عليه .. وودعه بـ ابتسامه...............................

. .

واصبر عليه ان كانه ابطى ولاجاك

الصبرمفتاح الفرج والسلامه...................................

صالح جزا الحربي

الشاعر صالح جزا الحربي

انا البحر وانتي يا بنت السفينه

شلتك بحفظ الله على راحة الموج

فيني عبرتي والليال الحزينه

اشيلها في غبتي فوج مع فوج

صالح الحربي

الشيخ عبدالعزيز بن عدوان الملقب نمر بن عدوان

ثار الفشق من عندنا بالجوايف*** طب الطرب بالراس قمت انتخي به

لعين وضحا الكاملة بالوصايف*** الموت نرده حوف ورد القليبه

لعين وضحا ما نهاب المخاوف ***مانهاب غزوان الملا تنتخي به

طويت لده معرقة للعسايف ***ثار البخت يا رب قدره عجيبه

اطبرس لن ثار البخت من يخالف*** ثار بختك يرتقي امن النصيبه

صالح الحربي

..علمينا كيف تبني

طفله احلام وطموح .. ؟؟؟


..وعلمينا كيف نحيا


في شوارع دون روح ..؟؟؟

صالح جزا الحربي

صالح الحربي

الشاعر صالح جزا الحربي

المدينة

كانت تثنى في ضلوعي وتامر. . . . . . مثل الملك في عرشه اللي تعلاّ

من عقب ماهي ضايعه في المدينه. . . . . . . . جتني تدوّر في قصوري محلا

لبّستها تاج الملوك وتمادت. . . . . . . . . تغطرست ثم زادت الطين بلاّ

فكرت لو بصبر عليها واسامح ؟؟. . . . . . . شيمة كريم(ن) بالتسامح تحلاّ

لو قلت في نفسي يا قلبي تصبّر. . . . . . . . . قال ارحموا عزيز قوم(ن) يُذلاّ

طفله صغيره واستبدت وشاخت. . . . . . . . قامت تمادى في الخفوق وتسلاّ

انا الذي علّمتها كيف تشتاق !!. . . . . . . . . وذوّقتها طعم الغرام المحلاّ

حكمي حكمته وانتهينا يـ حلوه !!. . . . . . . . قولي وداعاً يامليكي وإلاّ ؟؟

انزلت سخطي من عذابي ونلتي !!. . . . . . . . . هماً وغماً واحتراقاً وذلاّ

ضنيت يوم اني زرعت المحبه !!. . . . . . . . . . بلقى ثمر حب(ن) في قلبي تدلاّ

انتي هدمتي كل شي(ن) بنيته. . . . . . . . . . والقلب من شي(ن) يعلّه تخلاّ

امرت انا في فتح باب المدينه !!. . . . . . . . . وما عاد لك في وسط قلبي محلاّ

صالح جزا الحربي