تدور الدنيا
تدور الدنيا يا( هبله ) وتجيني تشتكي لي هموم
يجيني ضايقٍ صدرك في بالـك بـس تلمينـي
تجيني والأسف يمشي بعد ذنبك بدون إهـدوم
يجي خجلان من نفسه ويقول أرجوك غطينـي
بربك إنتي إنسانه كفاني إحساسـك المعـدوم
غلطت أدري بهالكلمه .. شبيه إنسانه صدقيني
أبد مو فارقه عندي ولا أحسـب لهـذا اليـوم
أنا ما همني مثلـك ورفقـة ربعـي تكفينـي
و ببقى مثل ما آنا وشموخي شامخٍ بـي دووم
تناديني وأنا أسأل حقيقـه إنتـي تعرفينـي ؟
أصب بجربه مخرومه وكل طرفٍ بها مخـروم
وأنا ظنيتها تملـي العواطـف ليـن تروينـي
و صرتي واطيه بعيني وإذا طاح الغلا مـيقوم
كفايه وفِّري أعـذارك لأنـك واطيـه بعينـي
تعال الحين و علِّمها وقول إنَّ الغـلا محكـوم
بإعدامه ولـو إنـه غلاهـا فـي شرايينـي
و روحي فارقي عني ولا تطرين إسمي اليـوم
أنـا مرتـاح بغيابـك // دخيـل الله فكينـي
مشعل الخالدي
No comments:
Post a Comment