الشيخ صباح السالم

اني احق الوفا منكم على ثقةٍ .. والعهد بيننا والوِدُّ لازالَ
سلوا ضمائركم فالحق ما شهدت .. له الضمائر شح الدهر او طالَ

ذكرى وفاة المغفور له الشيخ صباح السالم الصباح

31-12-1977

مشعل الخالدي

تدور الدنيا

تدور الدنيا يا( هبله ) وتجيني تشتكي لي هموم
يجيني ضايقٍ صدرك في بالـك بـس تلمينـي

تجيني والأسف يمشي بعد ذنبك بدون إهـدوم
يجي خجلان من نفسه ويقول أرجوك غطينـي

بربك إنتي إنسانه كفاني إحساسـك المعـدوم
غلطت أدري بهالكلمه .. شبيه إنسانه صدقيني

أبد مو فارقه عندي ولا أحسـب لهـذا اليـوم
أنا ما همني مثلـك ورفقـة ربعـي تكفينـي

و ببقى مثل ما آنا وشموخي شامخٍ بـي دووم
تناديني وأنا أسأل حقيقـه إنتـي تعرفينـي ؟

أصب بجربه مخرومه وكل طرفٍ بها مخـروم
وأنا ظنيتها تملـي العواطـف ليـن تروينـي

و صرتي واطيه بعيني وإذا طاح الغلا مـيقوم
كفايه وفِّري أعـذارك لأنـك واطيـه بعينـي

تعال الحين و علِّمها وقول إنَّ الغـلا محكـوم
بإعدامه ولـو إنـه غلاهـا فـي شرايينـي

و روحي فارقي عني ولا تطرين إسمي اليـوم
أنـا مرتـاح بغيابـك // دخيـل الله فكينـي

مشعل الخالدي

الشاعر صالح جزا الحربي

أحمد أبل شاعر من الناس بطران

عندة على الرفقة حقوق و موازين

أنا أشهد إنه ياملا طير حوران

سيفن تعلا في جميع الميادين

دام الوفا نابع من إنسان لإنسان

وشلون ما نبقى على العسر و اللين؟؟

الشاعر صالح جزا الحربي

الشاعر جزا صالح الحربي

((ماني لا ابا زيـدٍ ولا انتـي بعليـا))

يا عل عينٍ ما بكت فرقا الاضعـان
تعطي النويفـج ليـن تذبـل ذبليـا
ليا شدوا العربان من عقب مقطـان
والصبح منهـم جانـب العـد خليـا

وتفرقوا مـن نقـرة العـد سلفـان
أحدٍ رحـل جنـوب و احـدٍ شمليـا
وقفوا وراحوا مع وسيعات الاوطـان
وكلٍ على سفن الصحـاري رحليـا

عليهم الخافـق تقـل فيـه نيـران
وتصلاه غمزات الهواجيـس صليـا
وبكت عيوني مثل همـال الامـزان

مـزنٍٍ تحـدر مـن مناشيـه مليـا

على اللذي له داخل القلب مسكـان
وعليه ما اسمع عاذلي لـو عذليـا
عين الفريد اللـي مرابيـه فيحـان
الريـح لاعـه و استـذار و جفليـا

وسمع الحساس وشاف بالعين زيلان
واستاكده بيـن الوعـر والسهليـا
الصاحب اللي منه القلـب عطشـان
و لاتنجلي حبه عـن القلـب جليـا

اقفوا به البـدوان و القلـب حيـران
وسـود الليالـي ماعطتنـي مهليـا
شدوا وانا من شدة البـدو زعـلان
ولا من وساطه بين اهلهـا واهليـا

وجيته وانا في وقتها كنت مرضـان
مـن شـدة العربـان فيّـه زعليـا
قلت السلام وغـادي الفكـر شتـان
واللي بغيت بخاطـري مـا حصليـا

وانا عليه بسلـم الاحبـاب شفقـان
ومن غير مشروهي فلالـي دخليـا
طافت مشاريهي وانا كنت شرهـان
سنـه صغيـر وغاطـسٍ بالجهليـا

وقلت الوداع وغاديٍ وجهـه ألـوان
متخالـطٍ فيـه الخجـل والزعلـيـا
وذقت الفراق اللي مشاريبه احـزان
وانحـل بحالـي والمحانـي هزليـا

كني كسيـرٍ شملـه ريـح ريحـان
نوبٍ يفيـق و نـوب يذهـل ذهليـا
عليك يالمجمول يا خـدر الاعيـان
سميت حالي ليـن جسمـي نحليـا

والحب مثل النوم والنـوم سلطـان
والله بلانـي فـي محبتـك بلـيـا
وجاني الربيع وربعت كـل الاوطـان
وانـا معاليـك الضمايـر محلـيـا

وطال الرجا واللي مضى تقل ما كان
واللـي بنينـا لغدّنـا مـا كملـيـا
لاشك خبرني عسى ما أنت خسـران
او شايـف اللـي بالطويلـه تعليـا

وأن كان حـدوك المقـرد وعـدوان
ماني لا ابـا زيـدٍ ولا انتـي بعليـا

الشاعر جزا صالح الحربي

صالح الحربي و إبراهيم الرشود

صالح

يابو خليل القلب في درب الأتعاب

يسمع كلام (ن) ما تحمّل يقوله

!!بنت الشيوخ اليوم في بيت الأجناب

!!تاكل من الفضله وترضى بسهوله

إبراهيم

سلامتك وانا بخيصٍ بالأسباب

ومافيه داعي تشرح اللي تقوله

الأجناب ماحدوا طويلين الأشناب

!وش عاد والبنت مخبوره خجوله

صالح

الخيمه اللي مالها رواق واطناب

ماتنفعك وقت المطر في هطوله

ماعلّـمتها من قبل صكة الباب ؟؟

ما تستحي والعز .. منهو يطوله ؟؟

إبراهيم
الحب على بذره ومن صاب ماخاب

والخيمه ان جاتك تقول مغسوله

.رواقها ماجاه في مره تراب

ماتغري اللي مايفارق ذلوله

صالح
عزلت ذودي عن رديين الأنساب

وكلن على كيفه يوطي حموله

من يشرب الفنجال ويفك الأنشاب ؟؟

انشهد انه من سلايل فحوله

إبراهيم

ياليل يامطولك ياليل الأحباب

يا احباب ياذا الليل .. الله ياطوله

وشلونهم ياصالح وشوقهم شاب

فـ أهم لعبة تنلعب فالبطوله

صالح

يامرحبا والبال في لعبنا طاب

الملعبه زدنا عليها العموله

اشوف لي خبل (ن) مع الناس هذاب

يعض ثوبه و يتباها بزوله

نصار الشريعان

مدري لي متى وانا انتظر منك عذر
مدريي ليا متى وانا ناطر جوابك

ماعدت اميز بين مدك والجزر
ضيعتني مابين جيتك وغيابك

مره تضمني و توصلني للقمر
ومره اجيك وتقول ويش الي جابك !!

يابن الحلال اثقل تره مل الصبر
طمني بالله قول شالي براسك

هو يتبسم وانا اقول الله يستر
ويقول شوي شوي لا تحرق اعصابك

اييه أحبك وانت فيني مسيطر
بس احب انرفزك واشعل فيك نارك

مشعل الخالدي

حبيبي شكراً وممنـون
جزاة الطيب صار طعون
حقيقة الطيب ما ينفـع
لأنك ما عرفت تصـون

*****




أحبك وأخلـص بحبـي
وأداري حبـك بقلـبـي
تالـي تبيعنـي لجلـه
وتصبح كذبة في دربـي

*****




جيتك مخلـص النيـه
وبنيت أحـلام ورديـة
شريتك أنت وبعت الناس
حرام اللي حصـل فيـة

*****




تعـال وخلنـا نحسـب
وبدمي لك أنـا أكتـب
جروحٍ عشتهـا ويـاك
عليك ولا علي أعتـب

*****
بلملمهـا مـع الأيـام
حكاية جرحـي والألام
وبنسى ما حصل فينـي
وبنثـر هالفـرح قـدام

*****
دروس وكلنـا طـلاب
بهالدنيا كثيره اسبـاب
فيهـا نخسـر ونربـح
سواء أغراب ولا أحباب

مشعل الخالدي

صالح الحربي و أحمد أبل

يالي زعلت البارحة لازم أرضيك

وشلون تزعل يا حبيبي علينا

((أجيك يسلم راسك شلون ماجيك))

إهداء مني و إستمع للمرينا

أنا أشهد إن قلبي يحبك و يغليك

و أخاف يا قاسي تقول إنتهينا

صالح جزا الحربي

*********

الحب يا صالح دخل في محانيك

و إحنا بعد ظلم المحبه شكينا

((قلنا تغلا و إنت زدت بتغليك))

و ياليتنا بعد التغلي رضينا

خله يولي و إنت تعرف خطاويك

ياما تجملنا وياما عطينا

أحمد عبدالله أبل

الشاعر صالح جزا الحربي

!...رحلتي يا ملا عيني

-:وانا باقي على ذكراك" . . الملم حزني بيديني

...ويبعثرني ألم فرقاك

!!تراها عندي الصوره

. . . . حزينه حيل مقهوره

اطالعها وتبكيني . . وتسألني متى ترجع ؟؟؟

!!!واذا اسكت تناديني

!!!واجاوبها وهي تسمع

..بقايا انسان " انا بعدك . . يعيش بداخله حزنه "

...يموت ولا يبي غيرك

. . . امـانـه لا تـخـلـيـنـي

الى منك ضحكتيلي أحس اني ملكت الكون

!!تعالي وشوفي أحوالي الى منك ضحكتيلي

"

"

!!حزين وبعدك الدنيا . . غريبه مالها ألوان

-:عجزت الون عيوني

..وتفيض احزان في احزان

وش الحيله . . ؟؟ وش الدبره . . ؟؟

يــ قلبي مت في الغربه

...انا مسافر بدون اوطان

*

*

!!...تعالي وانزعي همي . . " قبل ما الحرف يرثيني

!!...أنا موتي من غيابك

...امانه لا تخليني

.....امانه لا تخليني

الشاعر مساعد ربيع الرشيدي

عذب السجايا

عذب السجايا وعوده بأول الكنه

متى تزين السوالف وآخذ علومه

واسامحه عن خطاه الجرح والونّه

واعاتبه لو يصد شوي والومه

واذكره باول المسفار حتى إنه

لا من تذكر زمان اول نسى نومه

يوم إنه اقبل خدين الروح يومنه

واقبلت اراعيه والقومه هي القومه

من يومها والحشا ما عاد له خنه

إلا لصوته وميعاده وملزومه

عفري هنف للضلوع وجا لهن حنه

واستانست له فياض القلب ورجومه

لبى جبينه لا ارتج الغطا كنه

برقٍ يصب الرفيف بكبد ديمومه

ما اقول شفته وشفت البيض يتلنه

اقول شفته وشفت الشمس منجومه

ما اقول كن الجديل الليل لاكنه

ليل خرعه الظلام وضيع نجومه

يا قبلة الله هكا العنقود لامنه

قام يتهجا شذا عطره ويشمومه

فيه انتهى النور لا والله بدا منه

فجر نعس بالوريد ونام بهدومه

وردٍ تفرعن حَمَاره قلت اباكنه

الى متى والحنايا منه مفطومه

فز وتطرق رطيبه قلت ما عنه

بالم شيحه وريحانه وقيصومه

صد وتلعثم هديله في برد سنه

يا قوم ذا النور يوم انكت يا قومه

الله عطانيه والله يعطي الجنه

واليا استجد الهوى كلٍ ومقسومه

نصار الشريعان

تنازل قلبي عن حدود محد(ن) خطاها ... لجل عينها احلا العذارى هالبنيه
سرحت بقصيدي لجل اوصف غلاها ... عيه كلامي يوصف و القلم عيه
نجمه وغير كل النجوم بحلاها ... نجمه تنور ظلام الكون و تضيه
يفرح لها القلب لا من طل و لقاها ... و يزداد فرحه لامن مر طاريه
مدري شبقول عنها و عن حلاها ... لان مهما بقول بحقها بيطلع شويه

صالح جزا الحربي

ماكل ما يطري على البـال ينقـال*** ولاكل شاعر يكتب البيـت بالصـح

ولاكل من يركب على الخيل خيـال*** ولاكـل فـارس للمساطيـر يذبـح

وياما رجال(ن) بالفعل تازن جبـال*** ماتوا وخلوا فعلهـم علـم يطـرح

ودمع الرجل لاتحسبه ضعف لا سال*** موقف يهز جبال والجـوف يقـدح

وصمت الرجل هيبه ولا فيه مفصال*** وكثر الكلام يقلـل القـدر ويجـرح

والخبل خبل(ن) لو فعل فعل وافعال*** لاتامنه سرك ترى الخبـل يفضـح

وناس(ن) خلقها ربنا اطباع واشكال*** هذا تعيس وذاك يـا صـاح يفـرح

احد(ن)يشيل احزان وهموم(ن) ثقال*** واحد(ن) يشيل افراح والهم ينـزح

وحسك تقول الله لو عنـدي امـوال*** لفعل واسوي مـا تمنيـت وانجـح

لاني كريم(ن) يعطي اموال بهبـال*** ولاني بخيل القوم في لقمتـه شـح

لو الزمن يمشي على مشتهى البـال*** محد(ن) شقى بدنيـاه والكـل يفلـح

ولا تشتكي حضك على الناس لا مال*** شكواك للي يجعل الحـض يصلـح

ولاترسم الضحكه على كـل مـوال*** ضحكك بليا اسبـاب للقلـب يذبـح

وماكل شخص(ن) يكتب البيت ينقال*** شاعر يصب القاف في وزنه الصح

الشاعر صقر النصافي

ياصاحبي ماني براعـي مهـاداه


اماارضني وإلا اجفني واستخيري
اما تعـال وماطلبنـاك عطنـاه


وإلا تروح وجعل دربك سفيـري
من شق شق يااريش العين يرفـاه


وانت الذي شقيت خافي ضميري
تضحك وانا صملان قلبي مطواه


تقول لي ليـن الفلـك يستديـري
مانيب من يطرد سراب بمضمـاه


شاف السراب ويحسب انه غديري
عيني على شوف الولايف مضراه


جزوع لاشفت الجفا من عشيـري
مايستوي حـب بليـا مراضـاه


بيني وبينك ياالغضي مايصيـري

مشعل الخالدي

صرت الناس بعيوني وصاروا هالبشر أغـراب,,,, أنـا مابـي أحـد غيـرك يسكـن داخـل إعيونـي

أصبح وأمسي بصوتك وينبت كل فـرحٍ غـاب ,,, أجي عطشان لأحضانـك وبعدهـا بلمـه يروونـي

تلقائي)وأحب أبقى(طبيعي) ومـا أجي(كـذاب),,,,, ولكن لو بغيـت جنـون بضحكـه يطلـع جنونـي)

عشقتك مثل ما طفلٍ عشق من حولـه الألعـاب,,,, يمسكها وبهـا يلعـب بروحـه .. ويقـول خلونـي

قليله قلوب توفيلك ولا يغـرك أسـم الأحبـاب,,,,, كثيره أحبـاب خانتنـي وبوسـط الجـرح قطونـي

لقيتك أصدق شعورٍ بعد أمـي وكثيـره أسبـاب,,,, تجعلنـي أحبـك مـوت وأنسـى نـاس باعونـي

أنسى كل أحزاني وأداوي هالحشـى المنصـاب ,,,, لمسـه منـك تكفينـي وتـداوي باقـي إطعـونـي

حبيبي عادي أني اليوم أشوف أن البشر أغراب ,,,, مدام إن الغلا لك أنـت وصـرت بداخـل إعيونـي

الشاعر الأمير بدر بن عبدالمحسن

قصة حب
في كل قصة حب أحلام ومدينة
ليل ونخيل وهبوب
لكل قصة حب لو كانت حزينه
أجمل ألوان الغروب
ناظري ضيّ الحوانيت القديمه
ونقش أبواب البيوت
كلها شعر ومواعيدٍ قديمه
وصوت قلبـي اللي يموت .. وما يموت
لكل قصة حب عذال وحسود
ليه تخدعنا الأماني والليالي السود .. سود
إشعلي جمر العناد قربـي معاد أشوفك
لا يفرقنا السواد
ارسمي وجهي بكفوفك
ولا تجرّحنا عيون الليل وحروف النميمه
ولا يعذبنا السكوت
إن عطشنا أو شربنا الدمع ديمه
للهوى بنحيا ونموت
لكل قصة حب أشواك و ورود
وليه نصرخ من ألمها وكلها تنبت في عود
ناظري هذا قمرنا لو تغطيه الغيوم
وناظري هذا شجرنا ومهما تحرقه السموم
ولو تجرّحنا عيون الليل وحروف النميمه
ولو يعذّبنا السكوت
إن عطشنا أو شربنا الدمع ديمه
للهوى بنحيا ونموت

نمر بن عدوان

نمر بن عدوان

البارحـه يــوم الخـلايـق نيـامـا

بيحت من كثـر البكـا كـل مكنـون
قمـت اتوجـد وانثـر المـاء علامـا
من موق عيني دمعها كـان مخـزون
ولـي ونـة مـن سمعهـا مـا ينامـا
كني صويبٍ بين الاضـلاع مطعـون
والاكمـا ونــة كسـيـر السـلامـا
خلـوه ربعـه للمعـاديـن مـديـون
والا فـونـة راعـبـيـة حـمـامـا
غـادي ذكرهـا والقوانيـص يرمـون
تسمـع لهـا بيـن الجرايـد احطامـا
ومن نوحها تدعـي المواليـف يبكـون
مرحوم ياللي مـات شهـر الصيامـا
صافي الجبيـن بليلـه العيـد مدفـون
حطواعليه من الخـرق ثـوب خامـا
وقاموا عليـه مـن الترايـب يهلـون
مرحـوم ياللـي مامشـى بالمـلامـا
جيران بيتـه راح مـا منـه يشكـون
اخـذت انـا ويـاه عشـرة اعـوامـا
مامثلهـن فـي كيفـة مالهـا لــون
والله كنـه ياعـرب صـرف عـامـا
وياحيلـة الله شغـل الايـام وشلـون
واكبـر همومـي مـن بـزورٍ يتامـا
لا جيتهـم قـدام وجـهـي يبـكـون
وان قلـت لاتبكـون قالـوا عـلامـا
نبكـي ويبكـي مثلنـا كـل محـزون
قلـت السبـب تبـكـون قالوايتـامـا
قلـت اليتيـم انـا وانتـم تسـجـون
مـع البـزور وكـل جـرحٍ يـلامـا
الا جـروح بخـاطـري مايطيـبـون
قمـت اتوجـد عنـد ربـعٍ احشامـا
وجوني على فرقـا خليلـي يعـزون
اقلـوا تـزوج وانـس لامـا بـلامـا
ترى العذارى عـن بعضهـم يسلـون
قلت انا اخاف مـن غاديـات الذمامـا
اللـي علـى ضيـم الدهـر مايتقـون
تزعـل عيالـي بالنـهـر والكـلامـا
وانا تجرعنـي مـن المـر بصحـون
والله لــولا هالصـغـار اليـتـامـا
واخاف عليهم مـن السكـه يضيعـون
لاقـول كـل البيـض عقبـه حرامـا
واصبر كما يصبر على الحبس مسجون
عليـه منـي كــل يــوم سـلامـا
عدة حجيـج البيـت واللـي يطوفـون
واعـداد مانبـت النفـل والخـزامـا
على النبي ياللـي حضرتـوا تصلـون

المقدمة

بسم الله الرحمن الرحيم

الحمد لله الذي و فقني في عمل هذة المدونة التي تعكس لكم إهتمامي و حبي للشعر بجميع أنواعة

ومن لدية أي قصيدة يود عرضها الرجاء إرسالها على البريد الإلكتروني مع إسم الشاعر

abul82@hotmail.com