صالح الحربي و إبراهيم الرشود

صالح

يابو خليل القلب في درب الأتعاب

يسمع كلام (ن) ما تحمّل يقوله

!!بنت الشيوخ اليوم في بيت الأجناب

!!تاكل من الفضله وترضى بسهوله

إبراهيم

سلامتك وانا بخيصٍ بالأسباب

ومافيه داعي تشرح اللي تقوله

الأجناب ماحدوا طويلين الأشناب

!وش عاد والبنت مخبوره خجوله

صالح

الخيمه اللي مالها رواق واطناب

ماتنفعك وقت المطر في هطوله

ماعلّـمتها من قبل صكة الباب ؟؟

ما تستحي والعز .. منهو يطوله ؟؟

إبراهيم
الحب على بذره ومن صاب ماخاب

والخيمه ان جاتك تقول مغسوله

.رواقها ماجاه في مره تراب

ماتغري اللي مايفارق ذلوله

صالح
عزلت ذودي عن رديين الأنساب

وكلن على كيفه يوطي حموله

من يشرب الفنجال ويفك الأنشاب ؟؟

انشهد انه من سلايل فحوله

إبراهيم

ياليل يامطولك ياليل الأحباب

يا احباب ياذا الليل .. الله ياطوله

وشلونهم ياصالح وشوقهم شاب

فـ أهم لعبة تنلعب فالبطوله

صالح

يامرحبا والبال في لعبنا طاب

الملعبه زدنا عليها العموله

اشوف لي خبل (ن) مع الناس هذاب

يعض ثوبه و يتباها بزوله

نصار الشريعان

مدري لي متى وانا انتظر منك عذر
مدريي ليا متى وانا ناطر جوابك

ماعدت اميز بين مدك والجزر
ضيعتني مابين جيتك وغيابك

مره تضمني و توصلني للقمر
ومره اجيك وتقول ويش الي جابك !!

يابن الحلال اثقل تره مل الصبر
طمني بالله قول شالي براسك

هو يتبسم وانا اقول الله يستر
ويقول شوي شوي لا تحرق اعصابك

اييه أحبك وانت فيني مسيطر
بس احب انرفزك واشعل فيك نارك

مشعل الخالدي

حبيبي شكراً وممنـون
جزاة الطيب صار طعون
حقيقة الطيب ما ينفـع
لأنك ما عرفت تصـون

*****




أحبك وأخلـص بحبـي
وأداري حبـك بقلـبـي
تالـي تبيعنـي لجلـه
وتصبح كذبة في دربـي

*****




جيتك مخلـص النيـه
وبنيت أحـلام ورديـة
شريتك أنت وبعت الناس
حرام اللي حصـل فيـة

*****




تعـال وخلنـا نحسـب
وبدمي لك أنـا أكتـب
جروحٍ عشتهـا ويـاك
عليك ولا علي أعتـب

*****
بلملمهـا مـع الأيـام
حكاية جرحـي والألام
وبنسى ما حصل فينـي
وبنثـر هالفـرح قـدام

*****
دروس وكلنـا طـلاب
بهالدنيا كثيره اسبـاب
فيهـا نخسـر ونربـح
سواء أغراب ولا أحباب

مشعل الخالدي

صالح الحربي و أحمد أبل

يالي زعلت البارحة لازم أرضيك

وشلون تزعل يا حبيبي علينا

((أجيك يسلم راسك شلون ماجيك))

إهداء مني و إستمع للمرينا

أنا أشهد إن قلبي يحبك و يغليك

و أخاف يا قاسي تقول إنتهينا

صالح جزا الحربي

*********

الحب يا صالح دخل في محانيك

و إحنا بعد ظلم المحبه شكينا

((قلنا تغلا و إنت زدت بتغليك))

و ياليتنا بعد التغلي رضينا

خله يولي و إنت تعرف خطاويك

ياما تجملنا وياما عطينا

أحمد عبدالله أبل

الشاعر صالح جزا الحربي

!...رحلتي يا ملا عيني

-:وانا باقي على ذكراك" . . الملم حزني بيديني

...ويبعثرني ألم فرقاك

!!تراها عندي الصوره

. . . . حزينه حيل مقهوره

اطالعها وتبكيني . . وتسألني متى ترجع ؟؟؟

!!!واذا اسكت تناديني

!!!واجاوبها وهي تسمع

..بقايا انسان " انا بعدك . . يعيش بداخله حزنه "

...يموت ولا يبي غيرك

. . . امـانـه لا تـخـلـيـنـي

الى منك ضحكتيلي أحس اني ملكت الكون

!!تعالي وشوفي أحوالي الى منك ضحكتيلي

"

"

!!حزين وبعدك الدنيا . . غريبه مالها ألوان

-:عجزت الون عيوني

..وتفيض احزان في احزان

وش الحيله . . ؟؟ وش الدبره . . ؟؟

يــ قلبي مت في الغربه

...انا مسافر بدون اوطان

*

*

!!...تعالي وانزعي همي . . " قبل ما الحرف يرثيني

!!...أنا موتي من غيابك

...امانه لا تخليني

.....امانه لا تخليني